[[ مقتطفات شعريه ]]

ياهجوسي سامحيني بأصدر الليله قرار

القرار اللي يعزل الشيخ عن منصب الأمير
ماتعلى فوق هـام السحب ياكون الحرار

الحرار اللي تعلى في صعوده بالمطير
سجل التاريخ بصماتهم فوق المهار

ماصــدر بالأمر تعيينه برتــــبة وزيـر
ماخذ (ن) الطيب من رأس سلمان الوقار

الأمير اللي بيمناه حقق كل خير

[[ الأمير محمد بن سلمان ]]

=================

العبره أكبر من سكوتي والايام

ماوالله أتفارق خفوقـي دقيقـه

أنتي وأناوالليل كابوس الاحـلام

والرؤيه أصدق من حلوم الحقيقه

يامهرةَ ماروضك كـل سـوام

والبرق من خدك يشعشع بريقه

عليك قلبي من معاليقـه إحيـام

وإبليس والطغيان ماني رفيقـه

=================

الليل والقمرا لحافي والكـــفن

والشيح والياقوت ورموش الهدب
والورد واليشموم والشمعه طفن

في جنة الفردوس مطلوب العـرب

=================

بين المحيطات النوابغ والدرر

والشهد واللذه وخمر الغافلين
واللول والمرجان وأمرار المرر

والموت الاحمريامعين الصابرين

=================

الصوره أللي بين الاحلام والضي

تشرق عليها الشمس نوبه ونوبه
بين القصور الشامخه وأخر الحي

يالله يالمــــــــعبود خفف ذنوبه

=================

الرذاذ ونوةً زرقاءوديمه

والزهور وفلها والقــــحويانه
المطرهتان و ينعنش نسيمه

والرياض الخضر والمعبود زانه

=================

ذكرتني الشلال والليل البــــهيم

وسود الرموش الي مغطيها الهدب
سبحان من صور جمالك والنعيم

يادرتن ربي خلقــــــك من الذهب

=================

بين الوفاء والشوق ورموشك وعـد

والسلسبيل وغرة أمزون السحاب
والفيضه إللي كلها برق ورعـد

ومجدل وردف خلـــــــــــقه الله عذاب

=================

الجواهر والمواهب والذهـب

والتضاريس والخلق العجيــب
باسقات الشوامخ والرطب

نكهت الروح ألذ من الحليب
=================

الغيبة اللي كلها شؤم وعتاب

ومعانق الرمضاء ووهج السنيني
والخافق اللي كله آهآت وغياب

وأطلال عمر مقتفيها حــــنيني
=================

العمر رحلة والوفاء راس ماله

والعلم في دنياك يغني عن المال
لو تجمع الأموال شرق وشماله

مال بليا علم يقفاه الزوال

=================

قيمة الأنسان في علمه ودينه

والأدب ساس المرؤه والشهامه
والمعالي دربها صعب وثمينة

ماكسبها إلا مطويت العمامـه
=================

ماأظن يوجد شئ اشد من الفراق

وياقرب دنيانا وسر فراقها
دنيا التلاقي والمحبه والعناق

ومعروفةً(ن) إنهايتك وأشواقها
=================

أكبرقمم في الارض هامات الجبال

القمه أعلى والسحايب فوقــــــــــــها
وأمر الله المعبود ماعنه محـــــــال

سبحان من ثبت وهو من فوقـــــها

=================

بين مد البحر والجزر والدم الخفيف

وإرتكاب الاثم في غلطة عـــــــمر
سر روح الأدمي قلب ضعـــــــيف

ينحرج بين الرجاء والياس والجمر الحمر

=================

الصدفه اللي هيجت كل المواجع

بين قلب (ن)صادق وقلب(ن) حنون
في رضى الرحمن ماغير مواقع

شارين رضاك وإنته ماتهون

=================

القصر عالي والمواقف قمــــــــــــه

والأحرار ماترضى على المنزالي
موت الفتى بالعز ماشن هـــــــــمه

والماقف الغصـــاب للأبطالـــــي

=================

الطيب مسك(ن) جاري(ن) في دمه

رضعه من أمه والرجال أشكالي
على المراجل حازم(ن) العمه

ومن دونها ماطاوع الأنذالــــي

=================

يانسيم الشمال وفجر صبح(ن) عليل

ريحة الفل واليشموم ريح النــــــــفل
من نسايم آجا وسلمى وذيك النخيل

ديرة تشرح الخافق بورد ونــــــحل

=================

حائل وطي مربى كل شهم(ن)أصيل

ديرة العز والتاريخ يوم الجهـــــــــل
حب حائل شربته شرب والله وكيل

ديرة أهل الكرم والجود يوم المــــحل

=================

أظلم الليل والبارق يلوح وينــوض

والنصوب أسفهلت ثم هل المــطـــــر
والخفوق المولًع هام في كل روض

وأنعش الروح ريح زهورذيك الصور

=================

الوحده هموم وآهآآت وتعـــب

والأمل مربوط بالشيء البعيد
آه ياوآقع حياتي وش جلـــــب

ليت لي جنحان وأعرش وأسيد

=================

ياللي تحب الورد والفل والكـاد

ويغازلك ورد وجمال الطبيعـه

منك وفيك الهجر والبعد مافـاد

ياللي على قطع المواصل سريعه

=================

الله يعز اديار مكة وطيبـــــه

ويحمي بلاد (ن) كلنا في ذراها
بلاد أمة الاسلام ألام الحبيبه

أطهربلادالله روحي فداهــــا

=================

أرفع إحجاجك وناظر في السحاب

لاتوطي الراس يالحر الابـــــــــي
المعالي درب مروين الحــــــراب

لاتخلي العلم وتـــــعود صبـــــــي

=================

أصد ماودي أشوف المرايـــه

تغيرت بعض التضاريس فيني
الورد ذاب ولابقى إلانهايــــــه

بين الامل والياس باقي سنيني

=================

لاتحسب إنك بها الدنيا مـــــخلد

أنت تمشي في طريقك للنهايــه
طاعة الله والكتاب إللي مجلد

خلها قدام عينك يامـــنايـــــه
=================

السفر لنفس راحه وابتهاج

واكتشافات وحضارات الأمم
سج الأقدام قبل الأعوجاج

وأطلب العلم وأشحذ للهـــمم

=================

الطموح وعزة النفس يعني لي كثير

والهدف سامي بفضل الكريم المعتلي
في حياتي ماتوسلت لصغير وكبير

والرجاء في الله يحمينا شرور المبتلي

=================

الحذر ياصاحب العقل من قيل وقال

لا تشب النار بين أصدقاك وتختفي
والله أن المسلم الحق مايرضى الجدال

والفتن نار وبين الأقارب تصتلي

=================
كل واحد في حياته رهينه لعمله

يالله الغفران ياربنا رب العباد
ياكريم تغفر الذنب وتسامح هله

والبشر مهما يسوي مقيد بالقياد

=================

بيني وبين المهند سر واعجاب

الفيصل اللي بسطواته مكيني
الفيصل اللي يقص الروس ورقاب

ويثبت الحق بين الكفتينـــــــــــــي

=================

ياشين غدر الرفيق وغدر الأصحاب

أنا أشهد إنها بها الدنيـــــــــــــا غبينه
الغدر طبع الخبيث وكل نــصــــــاب

والنذل قد ضيع إيمانه وديـــــــــــنـه

=================

الشرف طبع النفوس الشريفه

والكرامه غاليه في كل حال
النفوس الطيبه دايم منيفه

في العلالي ماتدور للهيال

=================

ياكبر الأحلام فيني والأمل

والواقع إني بها الدينا غريب
دنيا بها كل حي له محــــــل

والرابح اللي طلع منها مصيب

=================

الحروف الأبجديه وقاموس الزمــن

والليالي مدها والجزر فــــــــــــــآح
في خضُم الحضارات كلش له ثمن

والضريبه واضحه والدم ســـــــــآح