طارق الشهراني

بسم الله الرحمن الرحيم
إهداء من القلب لأخي العميد طيار طارق الشهراني
جاري وأخي ودائما هذا الرجل مكاسر عنبر يتجدد
كالذهب أهديت له هذه الأبيات :
ليلة العيد وأنا بين مد وجزر
أه يامكثر أصحابي وياقلها
المواقف تبين كل رجل (ن) ظفر
والرخوم الضعوف تهج من ظلها
والله لو تكسر عظام الرجل ماأنهصر
قلها يبو رايد يالزحل قلها
والله ونعم يالوافي طويل الشبر
ياراعي فزعة(ن) دايم على حلها
بيض الله وجهك ياحزام الظفر
الجمايل نصيبك وأنت كفو لها

جديد محبكم أبو فيصل

بسم الله الرحمن الرحيم

أنا عند وعدي ماأخلف الوعـد والميثـاق
ولانــي مــن يخـلـف وعـــوده وميـثـاقـه
ألا ياكـريـم بـأمــرك الـغـيـث والـبــراق
كريـم (ن) سخـر نــوه وغيـثـه وبـراقـه
تفرج على قلب(ن) وحيد(ن) وفيه فراق
فــراق تغلـغـل داخــل القـلـب وأعـمـاقـه
على اللي لهم بين المحانـي ولـه وعنـاق
عسى الله يصبر قلب من ضاقت أخلاقـه
علـى الله ياحـر(ن) علـى قمـة المشـراق
شلـع بالجنـاح وقـوة الـحـوم مــن سـاقـه
حـرار بمخلابـه يصـيـد الـجـزال وفــاق
يـصـرم حـبـال الـشـح والـــذل والـفـاقـه
كريـم(ن) ليـا منـه عطـا بالسخـاء دفـاق
يمـيـنـه كـمــا الـهـتـان بالـطـيـب دفـاقــه
يجمـل ليـا مـن الدهـر ضـيـق المخـنـاق
ويصبـر علـى الشـدات ماغـيـر أخـلاقـه

للتواصل

خل سرك بين اثنين : نفسك وربك .
وخلي إيمانك قوي باثنين : ربك ونبيك .
واستعن على الشدائد باثنين : الصبر والصلاة .
واحرص في دنياك على رضي اثنين : أبوك وأمك .
ولا تخاف من اثنين لأنهم بيد الله : الرزق والموت .
كل عام وانتم بألف خير وصحه وسلامه .
أحبتي متابعي مدونتي كم أنا فخور جدا بتواجدكم
ومتابعتكم المستمره التي هي في الأساس الداعم الأول لي وكلي أمل ان ترقى أطروحاتي لذائقتكم .