بسم الله الرحمن الرحيم
رثاء في العم دليم بن حمد رحمه الله رحمتا واسعه
رحلـت يــا فـكـاك عـسـرات الانـشـاب
يـا اللـي مـا لحقـك فـي حياتـك ملامـة
ودعــت دارك والعـشـيـرة والأقـــراب
ورحلـت فــي لـيـل(ن) حـلـوك ظـلامـه
قـفـت بــك ركــاب المنـايـا والاسـبـاب
الـلـي مــا منـهـا لــو سلمـنـا سـلامــة
كـل(ن) ولــه ميـعـاد والـمـوت جــلاب
نـهـايـة الـمـخـلـوق حــفــرة وخــامــة
يا الله عسى لك عنـد واليـك مـا طـاب
وفـي جـنـة الـفـردوس خـالـد الاقـامـة
يـا ممـن الـروعـات فــي كــل مـرتـاب
لاطـــاح وازرى لا تـشـيـلـه عـظـامــه
ريـف اليتامـى والأرامـل والأصحـاب
وملـجـا لـمـن ضــده زمـانـه وضـامـه
بنيت مجد(ن) يا أبيض الوجه ما غاب
بـنـيـتـه بـتـقــوى وعــــزم وصــرامــه
أنـا أشهـد ان فقـداك وغيـابـك غـيـاب
وفرجَـتـك فـرجـة لـيـن يــوم القـيـامـة
شـيــخٍ مواثـيـقـك مـواثـيـق وقــطــاب
لـك مــن مجـيـد المـجـد ذروة سنـامـه
بالطيب تشهد لـك الأقـارب والأغـراب
علـيـت يــا راس الـشـرف والزعـامـة
يـا دليـم يـا زبـن المـكـارب والاتـعـاب
لا راغ عنهـا اللـي مـا يكـرب حـزامـه
يـا الله عـسـى قـبـرك يساقـيـه صـبـاب
مــن مدلـهـم(ن) مــا تفـاخـت ركـامــه
وداعتـك يـا قبـر فـي عــرب الأنـسـاب
شيخ(ن)زحـول القـوم تـعـرف مقـامـه
ليست هناك تعليقات:
إرسال تعليق